Աջակցություն Սյունիքի մարզի Վերիշեն գյուղի սոցիալապես անապահով ընտանիքներին, դպրոցին և տեղահանված արցախահայերին

Ծրագրի մասին

2023 թվականի նոյեմբերին Ամարյան բարեգործական հիմնադրամն իր առաջին նախագիծն իրականացրեց Սյունիքի մարզում՝ Ամարյան ընտանիքի հայրական գյուղ Վերիշենում։ 

Նվիրատվությունը ներառում էր՝

• Տաք վերարկուներ և ձմեռային կոշիկներ, 
• Դպրոցական պարագաներ արցախահայ երեխաների համար,
• Վերիշենի դպրոցի մարզադահլիճների վերանորոգման համար անհրաժեշտ նյութեր և մարզագույք, այդ թվում՝ բասկետբոլի, վոլեյբոլի և ֆուտբոլի ցանցեր ու գնդակներ և այլ պարագաներ:

2023-2024թթ.-ին Սյունիքում իրականացվող նախագծերի համար Ամարյան բարեգործական հիմնադրամը հատկացրել է ընդհանուր նախնական 122 մլն դրամ բյուջե։ 

Այս ծրագիրը անհրաժեշտ օգնություն է ցուցաբերել ավելի քան 246 շահառուների և աջակցել Վերիշենի դպրոցին, որտեղ կրթվում է  345 աշակերտ: