Աջակցություն Տաթևի վանքի, հարակից պատմական տարածքների և բնակավայրերի հետազոտություններին՝ ՅՈՒՆԵՍԿՕ-ի համաշխարհային ժառանգության օբյեկտ անվանակարգում ներառելու նպատակով
Ծրագրի մասին
2024 թվականի մարտին Ամարյան բարեգործական հիմնադրամը աջակցել է ՅՈՒՆԵՍԿՕ-ի համաշխարհային ժառանգության օբյեկտ անվանակարգում ներառելու նպատակով Տաթևի վանքի, հարակից պատմական տարածքների և բնակավայրերի հետազոտությունների ծրագրին, որն իրականացվում է «301 Իմաստության երկիր» հիմնադրամի աջակցությամբ։
Նախագիծը ղեկավարում է «Ռե֊Շկոլա Հայաստան» նախագծի հիմնադիր, վերականգնող ճարտարապետ Նարինե Տյուտչևան։ Նախագծին մասնակցում են պատմաբաններ, մարդաբաններ, սոցիոլոգներ, մշակութաբաններ, հնագետներ, երկրաբաններ, վերականգնող ճարտարապետներ և քաղաքագետներ Հայաստանից, Ռուսաստանից և Ֆրանսիայից:
Ծրագրի նպատակն է սահմանել և ձևակերպել Տաթևի վանքի, հարակից պատմական տարածքների և բնակավայրերի արժեքային բնութագրերը՝ Հին Խոտ, Հին Հալիձոր, Հին Հարժիս և Հին Շինուհայր։ Ինչպես նաև սահմանազատել Համաշխարհային ժառանգության օբյեկտի մաս կազմող տարածքները, կազմել ճանապարհային քարտեզ և ձևակերպել տեղանքի նախնական գնահատում՝ ՅՈՒՆԵՍԿՕ-ի Համաշխարհային ժառանգության օբյեկտի անվանակարգում առաջադրվելու և փաստաթղթերը կազմելու համար:
Ամարյան բարեգործական հիմնադրամի աջակցությունն ուղղվել է այդ կարևոր պատմամշակութային տարածքների՝ ՅՈՒՆԵՍԿՕ-ի Համաշխարհային ժառանգության օբյեկտի անվանակարգում առաջադրվելու համար փաստաթղթերի կազմման նպատակով իրականացված համապարփակ հետազոտությունների ֆինանսավորմանը։
Ծրագրի կարգավիճակը
Ծրագիրը ներկայումս ընթացքի մեջ է։ ՅՈՒՆԵՍԿՕ-ի Համաշխարհային ժառանգության օբյեկտի անվանակարգում առաջադրվելու համար Տաթևի վանքի, Տաթևի վանական համալիրների և Որոտան գետի կիրճի տեղանքների նախնական գնահատումը հաջողությամբ ավարտվել է: Հիմնվելով այս համապարփակ հետազոտության վրա՝ ներկայումս ընթացքի մեջ է առաջադրման փաստաթղթերի պատրաստումը, որը նշանակալի առաջընթաց է այս կարևոր մշակութային տարածքի միջազգային ճանաչման ապահովման գործընթացում:
